આ શેરી વળાવી || Sheri Vadavi || Narshih Maheta Bhajan Lyrics

આ શેરી વળાવી સજ્જ કરું,ઘેરે આવોને

આંગણિયે પથરાવું ફૂલ, વાલમ ઘરે આવોને

આ ઉતારા દેશું ઓરડા ઘરે આવો ને ;

દેશું દેશું મેડીના મોલ મારા ઘરે આવો ને,,,શેરી..

આ દાતણ દેશું દાડમી ઘરે આવો ને

દેશું દેશું કણેરી કાંબ,મારા ઘરે આવો ને,,,શેરી..

આ નાવણ દેશું કુંડિયું ઘરે આવો ને

દેશું દેશું જમનાજી ના નીર મારા ઘરે આવો ને,,,શેરી..

આ ભોજન દેશું લાપશી ઘરે આવો ને

દેશું દેશું સાકરિયો કંસાર,મારા ઘરે આવો ને,,,શેરી..

આ રમત દેશું સોગઠી ઘરે આવો ને

દેશું દેશું પાસાની જોડ ,મારા ઘરે આવો ને,,,શેરી..

આ પોઢણ ઢોલિયા,ઘરે આવો ને

દેશું દેશું હિંડોળા ખાટ,મારા ઘરેઆવો ને,,,શેરી..

આ મહેતા નરસૈયાના સ્વામી શામળિયા,

હારે અમને તેડી રમાડ્યા રાસ,મારા ઘરેઆવો ને,,,શેરી..

- નરશી મહેતા